EOBANVS, NORIBERGA.
Libera praepediat spatia aut testudinis altae
Pondera sustineat; fulget laquearibus aureis
Nuda superficies, fastigia summa relucent
780 Auratis trabibus connexique ultima teecti
Limina, subiectis multum est in partibus aurum.
eiiija] Plurima parietibus fulgent decora inclita piectis
Sive ducum, quos iustitiae pulcherrima vexit
Gloria, sive hominum per honesta exempla beatis
Aequiparandorum superis. Hic illa severae
[ustitiae sedes et dignum laude tribunal,
A quo nemo insons unquam nisi victor abivit,
Nemo nocens unquam potuit nisi vietus abire.
Parte alia (nec enim simplex domus illa nec una est)
Maxima porticibus surgunt conclavia latis
Digna deum dapibus, regum dignissima mensis:
Tam sunt magnifico parte omni splendida sumptu,
Tam iucunda gravem commendat gratia luxum.
Pulchra suis videas fulgere toreumata signis,
Nec tam facta manu quam sponte enata putaris.
Nec desunt tabulae, praeclara opera excellentum
Artificum positaeque alios icones in annos
Clarorum heroum, quos maiestate verendos
Maiestas plus ipsa loci commendat, ut autem
Plurima praeteream non his dicenda Camenis.
Quid gravis eximium loquar augustale senatus?
Quo sacer ille patrum chorus et clarissimus ordo
Confluit et summis urbana negotia curis
Versat et aequata metitur cuncta bilance
05 Pondera caeliferos delassatura Gigantas.
Sed tamen hic nolim disertior esse videri,
Ne malus obtrectet, sicut solet omnia livor
'eiiijb] Forsitan, et causam dicat quaesisse serendi
Auribus incautis fucum facientia verba.
30 Hoc metuens nil adiceiam, nil amplius addam,
Vix etiam haec ausus paucis attingere verbis.
785
35