12
EOBANVS, NORIBERGA.
Ipse vago mediam Pegnesus flumine secindens
120 Perfluit et varios rerum se praebet ad usus
Perfacilem solis nec sordibus abluit urbem.
bij] Qui vicini habitent populi, quae proxima circum
Rura colant gentes, forte hoc quoque scire necesse est
Norica Teutonidos media urbs regionis in ora;
125 Qua videt aurorae venientem a partibus Kurum,
Regna tenent fortes silvis inclusa Bohemi.
Proxima quae pluviis adflatibus inrigat Auster.
Gens vetus et nullis belli virtute secunda
Rura colunt nive Rhaetaea durata Suevi,
180 At prope quae sole occiduo vineta tepescunt,
Magnanimi fecunda colunt atque optima Franci.
Aequoris immunis partem, quae vergit ad Arctos.
Duringi pingues habitant, quos inter et urbem
Pars bona de Francis intervenit: ille profecto
135 Omnibus hanc populis propius sibi vindicat urbem.
Haec natura loci. situs hie regionis et urbis.
Vrbis pulchritudo et elegantia.
Ornarunt alii praestantes laudibus urbes,
Ex quibus, uf taceam veteres et nomina tantum
Proxima commemorem, laudavit carmine priscam
140 Trevirim Ausonius, patriae non immemor idem
Burdegalam clara cantatam voce reliquit.
Tempore et ingenio minor hoc Sidonius urbem
Laudibus aeternis cecinit, quam diceris olim
Possedisse tuo, miles decumane, colono.
145 [biija] Nec tibi vulgari cantata est Lipsia versu,
Buschi, Pieridum comes inclite. Quid loquar autem
Hanc quoque, quam nobis nunc est nova nata voluntas
Commendare novo venturis carmine saeclis,
Invenisse, suas qui posset dicere laudes,
150 Non tamen has aliquo cantatas carmine, Celtim
Quod magis inlustrem Doterat decuisse poetam :