a
EOBANVS, NORIBERGA.
Polluat et regnet totum intra moenia virus.
Ergo extra aegra ferunt letali corpora morbo
Seu ruitura neci seu restituenda saluti
Et curas adhibent, dum spes super ulla trahatur
Praeterea quos mentagrae serpentis adurens
Corrupit scabies, illo curantur et illo
Accipiunt alimenta loco, dum corpora morbus
[fiijp] Deserat et membris decedat noxius humor.
I nunc, esse nega verae pietatis amantes,
Quos tam certa trahunt alienae vota salutis,
I, confer quoscumque potes per Christidos orbem
Subiectum regno fidei, quando ista per omnes
1005 Nota plagas alios durant memoranda sub annos!
Quattuor leprosorum xenodochea extra
urbem.
1010
1015
Sunt etiam sua leprosis regionis ad oras
Quattuor ante urbem partem sub quamlibet unum
Hospitia aedificata foris, qua strata viarum
Publica diversis ducunt regionibus urbem,
Sumptibus omnia munificis dotata nec ullae
Vel decorata minus vel egentia parte relicta.
Singula templa adsunt illis quoque, cuilibet horum
Adsidet et studii et morum ratione probatus
Sacrarum interpres rerum verbique minister.
Vsque adeo nullus quamquam vel inutilis ordo
Neglegitur, quia corporibus quodeumque mederi
Atque animis possit larga pietate ministrent,
Qui Pegnesiacam vopulus sacer inecolit urbem.
Templum divi Petri, quod Sebaldinum vocant.
[gia] Non quod templa Deo placeant, quae marmore et aere
1020 Humanae fecere manus, qui corda piorum