— 114 — 
Die Thür. 
Drum bist' a dummer Uf'n, du! 
Wennst' g'scheit wärst, schreiest' lang nit su; 
Du gibst su bloutweng Hitz von der, 
Und manst, es ligt die Schuld on mir. 
Der Ofen. 
J hob' mei Lebta woarm g'macht, 
Hiz ober nehmt mer's Hulz in Acht; 
Kam wörft mer öiz zwa Scheitla nei, 
Soll scho die Stub'n woarm sei. 
Die Thür. 
Du wennst' dös Hulz wöi sunst begehrst! — 
Wennst' su a neuer Uf'n wärst, 
Dau hazt mer kam von weit'n ei, 
Mouß scho die Stub'n woarm sei— 
Der Ofen. 
Haust röcht! döi Uef'n kennt mer scho— 
Dau kumma d' Leut' goar saber oh! 
Des Feuer brennt nit halb no aus, 
Is scho die Hitz mit'nander drauß. 
Die Thür. 
Du manst, di macht des Alter g'scheit 
Und sagst dös Alles ner aß Neid; 
Du machest öiz die Uef'n dumm, — 
Mer göbet' su viel Göld g'wieß drum. 
Der Ofen. 
Wer soucht denn on der Stubathür 
Su viel Verstand, als wöi on mir? 
Dir kon leicht Anß wöin's Ander sei: 
Wer kummt, du läßt an Jed'n rei.