53 
Will ner schaua, wöi er is, 
Der mit seiner Pfauafeder. 
Und mit wen er ried'n thout, 
Denn chinesisch koh nit Jeder. 
Wenn der uns'ri Mauern sicht 
Mit döi Mordstrumm Löcher drinna, 
Wörd er si, dös glab' ih g'wieß, 
Aff d' chinesisch' Mauer b'sinna 
Und werd denk'n, halt' a weng, 
Diz waß ih, wöi mer's mouß treib'n, 
Daß mer mit'n Zeitgeist geiht 
Und der Zupf koh henk'n bleib'n 
Wenn er länger bleibet dau, 
Könnat er an Haft'n finna, 
Dös ba uns is grod a su 
Wöi ba ihn in China drinna 
Dös Bauchrutsch'n, wenn der wüßt', 
Wöi's ba uns döi Leut' gout könna. 
Wenn's an hauch'n Herrn sög'n, 
Glabst's. er thäit' vur Freud'n flenna 
Und döi Drach'n wenn er sicht. 
Döi wou as die Fenster gutz'n 
In der Stodt, dau wörd er wuhl 
Oft sei groussa Brill'n putz'n. 
—