*
*
—
7
—
*
—
218 —
Daß mancha no der Abzug krönkt,
Koh goar nit anderst sei.
Der Kommadant is wider z'ruck,
Bis Naumittog nauch zwa,
Dau is er ober ah nau fort,
Als wöi die Andern ah:
Daß er haut Ordnung g'halt'n höi
Von Ohfang bis zon End,
Drum hob'n seini eigna Leut'
Su gräuli aff ihn g'schönd't.
Diz ner no der Herr General
Hält si an Tog no af;
Dös ober, dös haut Jedes g'sagt,
Daß der haut g'hand'lt brav.
Er haut ah no aff d' Letzt a Wach
Von Burgerreitern kröigt,
Und is in Mittwoch ah no fort,
Zufried'n und vergnöigt.
diz senn mer doch, Gottlob! amaul
Von der Visitt'n frei!
Su sechzi Woch'n, dös is lang,
Und doch senn s' öiz verbei.
Und mitt'n unter derer Zeit,
Und mitt'n in der Nauth,
Dau hob'mer kröigt, — wer glabet' dös? —
Um viel a gräißers Braud.
Dau sicht mer, wenn Ans in der Nauth
Ner nit verzog'n thout, —
Mer wart' halt, bis s' verüber is,
Es wörd scho wider gout.
Nau hob'n mer ober no wos kröigt,
Sie wiss'n's goar nit drauß, —
In gräißt'n Lärma haut mer baut
Aprächti's Opernhaus.