V arwoört.
Ih hob mih lang öiz b'sunna scho,
wos werd is Best' wuhl sei,
soll ih dös Bändla rausgeb'n öiz?
is g'scheidter, ih lauß 's sei? —
Ja, wenn ner An dös Druck'n laun
nit kostet su viel Geld
und An nit z'letzt der Absatz no
für seine Böichla fehlt.
Dös wär nau scho a schöina G'schicht,
deunn mit der Dichterei,..
dau springt ja su wöi su nix raus,
dau wär's nau g'wieß verbei.
Häitt' ner amoal ka g'scheidter Moh,
der wou döi Sprauch versteiht.
ba mir nit g'fraugt, ob ih nit bal
wos neu's zon rausgeb'n häitt'.