23 
Die Nachhikfe. 
A Kafmoh haut an Boub'n g'hat, 
der woar recht dumm und faul, 
sei Leihrer haut'n drum ah g'schöndt, 
z'moal weg'n sein bäis'n Maul. 
Sein'n Vatter woar dös goar nit recht, 
er geiht zon Leihrer hih 
und fraugt'n weg'n sein Boub'n, allah 
der schimpft ganz ferchterli. 
„No“, sagt der Alt, „öiz hob ih's dick, 
sog'n S' ner, wou fehlt's denn nau?“ 
„A Nauchhilf“, sagt der, „brauchet's halt, 
nau glab ih, häitt' mer Rouh.“ 
„A Nauchhilf blous? No ja, 's is recht!“ 
und gleih in andern Fröih 
schickt er'n an Wei, von den er haut 
a Foß in Köler steih.